هاجم أيمن يونس، نجم الزمالك السابق، بعض تصرفات اللاعبين في الدوري المصري، مؤكدًا أن اللاعب في مصر مثل “الصنايعي”.

وقال أيمن يونس في تصريحات مع كريم رمزي عبر برنامج لعبة والتانية على راديو ميجا إف إم: "اللاعيبة زي الصنايعية في مصر، لكن لاعيبة زي محمد صلاح ومرموش دول في عالم تاني".

وأضاف: "اللاعب المصري المحترف مثل محمد صلاح ومرموش يعرف قيمة الأكسجين في الهواء، وصعب جدًا يقعد جنب أي حد بيدخن، لكن اللاعيبة هنا صنايعية ومكانوش مصدقين إنهم وصلوا للي هما فيه".

وواصل: "اللاعب بمثابة نموذج وسفير لكرة القدم، ولازم يدرك ده كويس. وأنا بأعذر شيكابالا عشان ده كان ظهوره الأول في الإعلام، لكن بأعيب عليه إنه يتكلم في حاجات زي دي".

وتابع: "من العيب إن شيكابالا يقول الكلام ده، دي أسرار أوضة اللبس وماينفعش تتقال في الإعلام. وده مش ذنب شيكابالا، لكن المسؤولية تقع على مجلس إدارة الزمالك. ومش من حقه يتكلم في الحاجات دي.. البيوت ليها حرمانيتها ودي أسرار".