مصدرنا الإخبارى - في رسالة مؤثرة، خرج الفنان كريم سرور ينعي الممثل الشاب بهاء الخطيب والذي تعرض الموت المفاجئ أثناء لعب كرة القدم، مشيرا إلى أنه كان أكثر ما بينهم من طموح وأحلام وكان دائما مبتسما ولا يكل أو يمل.

كريم سرور ينعي الممثل الشاب بهاء الخطيب بكلمات مؤثرة 

وكتب كريم سرور في منشور عبر حسابه الرسمي بموقع للتواصل الاجتماعي فيسبوك ورصده موقع تحيا مصر : بهاء الخطيب مات !! إيه الإختبار ده !! ليه بالقسوة دى يعنى إيه ده بالذات يموت ، ده مكنش بيمل ولا بيكل من كلامه عن احلامه ، اللى ماشى يجمع فينا ويلا عرض يلا فيلم يلا نشتغل ومتستنوش الفرصة اعملوها ، اشتغلوا حبوا بعض.

وتابع كريم سرور حديثه عن بهاء خطيب: عمرى ما شوفتك مكشر حتى فى عز إحباطك من اللى خذلوك علطول مبتسم فى وش الناس ، قلتلك يا بهاء انت الوحيد اللى متأكد إنه هيكون نجم ، كنت متأكد من ده ، كنت عارف ان تعبه ده كله هيجيب فايدة ، يعنى ايه مات قبل ما يحقق احلامه ، ايه ده ! ليه كدة !! أستغفر الله العظيم يارب ، قلبى وجعنى اوى اوى ، مقهور يا اخى ومش عارف ابطل عياط عليك ، مش هعرف اشيل خشبتك يا بهاء ، مع السلامة يا جميل يا محترم يا بشوش يابو قلب ابيض ، ربنا يرحمك يا حبيبى ، تستحق تكون فى جنة اللى خلقك ، هو عارف إنك متستاهلش الدنيا دى يا بهاء.

كريم سرور ناعيا بهاء الخطيب: قلبي وجعني اوي.. ازاي الموت قاسي كدة؟ 

وأضاف كريم سرور في حديثه عن بهاء الخطيب: قلبى وجعنى اوى ومش عارف اقول ايه ولا اكتب ايه ، حقيقى مش مستوعب إزاى الموت قريب اوى كدة وقاسى كدة ، غيابك هيفرق اوى يا بهاء والله العظيم ، سلام يا صاحبى ، ربنا يرحمك يارب  ونبى ادعوله يا جماعة والله يستحق الدعوة والرحمة على قد نيته وقلبه وحبه للناس ، لا عمره قاللى مين يستاهل ومين ميستاهلش مكنش بيقول غير نشتغل ونعمل اللى علينا وبس ،، الله يرحمك يا بهاء يا موهوب يا نضيف ، سلم على اللى عندك وانتم السابقون ونحن اللاحقون.

وكان قد كشف الفنان حسام داعر عن سببب وفاة بهاء الخطيب، ناعيا إياه في منشور: ده لسه متكلمين انك تيجي تقعد معايا كام في اسكندريه و قلتلك هتحب قعدة بلكونتي علي البحر علطول و رجعت اقولك خلينا في الشتا هيبقي احلي الجو دلوقتي صيف و حر … خلاص لا بقه في شتا ولا صيف ولا حاجه الناس بتمشي فجاة ازاي كده لا حول ولا قوة الا بالله دموعي منشفتش من يوم تيمور و قلبي لسه موجوع تقوم تمشي فجاه انت يعني.

سبب وفاة بهاء الخطيب

واستكمل حسام داغر حديث: يعني ايه وقع و هو بيلعب كوره مات  انا عقلي هيجراله حاجه الثبات و العقل و الصبر من عندك يا رب … بهاء الجميل المحترم الطيب اعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الاساسي جمب التمثيل لو اعرف انك هتمشي فجاه كنت قابلتك و مفضلناش ناجلها ليه يا ربي الطيبين المحترمين بيمشوا فجاه لا حول ولا قوة الا بالله  الصبر من عندك يا رب.